كيف اقدر ابدأ من جديد

  كلام من القلب للقلب

🔹 من خلال حياتنا العايشنها كتير بنمر بمواقف وازمات سواء كانت حلوه في حياتي او سيئه لكن في النهايه بتخلي على مشاعرنا وزاكرتنا طابع صعب يتنسي مع مرور الزمن 

ف بنلقى ناس قاعدين وموقفين حياتهم بس على حاجه حاصله ليهم زمان
وديل ي اما بسبب مواقف حلوه عاشوها وماقادرين يطلعو منها
او انهم متحسرين وندمانين

والاتنين بعيشو في دوامه مابتخلص تفكير وعذاب نفسي لايطاق
وكتير كتير من الاسباب اللي بتخليني انا ولا انتي بس محبوسين في ماضيهم
لكن طول ماكان عقلنا شغال بالطريقه دي
انتي كده بتظلمي نفسك وتظلمي تفكيرك وابداعك البكون بس محصور في حته واحده ماقادر يتحرك منها
طيب✋

مدام عرفنا انو ماشين غلط نبدا نفكر في الحلول
• حأقول ليكي انسي الماضي؟ مستحيل طبعا وصعب جداا بين يوم وليله

ولكن

• اتقبلي الحصل واعترفي بغلطك وراجعي حياتك
عملت غلط كتير عادي جدا ابدا صفحه جديده وربنا غفوور رحيم
حياتي زمان مليانه نجاح وانجازات اكتر اشد حيلي وابدا من جديد
فقدت ناس غالين علي دي مانهايه الطريقه
بقدر احي ذكراهم بدعوه منك وغيرو كتير من الاشياء

وشويه شويه بتشوفي حياتك اتغيرت وانجازاتك زادت بترجعي للحياه بروح وطاقه جديده واحسن من اول كمان
احمدي ربك دايما على اي حاجه حصلت لانو مهد لي للطريق الصح باختبارات اتعلم منها عشان اوصل لهدفي
وان شالله يارب اشوفكم من احسن لاحسن

وســلامتكم ...